Txerri-azpizuna, Portoko ardoaren eta limoiaren saltsarekin

OSAGAIAK (4 lag.)

Azpizuna
1 txerri-azpizun
1 baratxuri
1 limoi
gatza
piperbeltz beltza

Portoko ardoaren eta limoiaren saltsa
100 g gurin
1 kopa koñak
1 kopa Portoko ardo
haragi-salda
200 g esne-gain

Esparrago berdeak
8 esparrago berde
oliba-olioa
gatza


Patata frijituak
2 patata
ekilore-olioa
gatza


NOLA EGIN

Azpizuna

• Erretilu batean, jarri azpizuna beratzen 2 orduz-edo, baratxuri osoak (zuriturik) eta limoi-zukua gehiturik.
• Denbora pasatutakoan, azpizuna atera eta gehitu piperbeltz beltza eta gatza bi aldeetan. Haragia beratzeko erabili dugun baratxuria txikitu eta gorde.

Esparrago berdeak

• Esparrago berdeak garbitu, azpiko puntak moztu eta esparrago bakoitza hirutan moztu.
• Zartaginen batean olio pixka bat berotu, eta salteatu esparragoak bertan, gatz pixka bat emanda.

Portoko ardoaren eta limoiaren saltsa

• Jarri zartagin batean olio pixka bat eta gurina; urtu gurina su txikian.
• Zartagin horretan, haragia gorrituko dugu lehenbizi, su bizian. Bi aldeak gorritutakoan, atera azpizuna erretilu batera.
• Gehitu gurinari haragia beratzeko erabili dugun baratxuria txikiturik, eta egin su txikian, pixka bat.
• Gehitu koñaka, eta eduki su bizian alkohola lurruntzeko. Gauza bera egin Portoko ardoarekin.
• Alkohola lurrundutakoan, gehitu haragia beratzeko erabili dugun limoi-zukua eta haragi salda, eta utzi su bizian irakiten, erdia-edo murriztu arte. Azkenik, gehitu esne-gaina, eta  eduki su bizian pixka batean.

Patata frijituak

• Patatak zuritu, dadotan-edo moztu eta frijitu. Hasieran suabe-suabe, 120 gradutan, ongi egiteko; bukaeran bizi, 150-170 gradutan, gorritzeko. Atera eta gatza eman.

Dena bat

• Azpizuna xerratan moztu, lodi xamar. Sartu azpizun xerrak Porto ardoaren eta limoiaren saltsan, gehitu esparragoak eta patata frijituak, bota perrexila gainean eta jarri tapa. Irakinaldi bat eman haragia ongi berotzeko, xerren erdialdea gorri egonen da-eta, erdi-eginik.