Izokina zizekin

Tolosako ganbak

Euskal pastela

Arkumea karduarekin eta alkatxofekin

OSAGAIAK (4 lag.)

Kardua

1 kardu

1 limoi

gatza

Alkatxofak

6 alkatxofa

1 tipula

1 baratxuri

gatza

Arkumea

1 kg arkume

1 tipula

4 baratxuri

irina

½ l ardo zuri

1 kopa koñak

oliba-olioa

gatza

NOLA EGIN

Kardua  

• Kardua garbitu, moztu aldeak eta izkinak, zuritu eta zatitu. Bete ontzi bat urez eta gehitu limoi baten zukua. Garbitu ahala, sartu kardu zatiak bertan.
• Jarri eltze batean ura berotzen, gatza emanda. Irakiten hasitakoan, gehitu kardu zatiak, tapa jarri eta irakinarazi 45 bat minutuz. Egindakoan, atera bandeja batera eta salda gorde.

Alfatxofak

• Bete katilu handi bat urez, eta bota bertara limoiaren zukua eta limoi erdiak. Garbitu alkatxofak eta sartu limoi eta uretan, ez belzteko. Zuztarrak ere zuritu eta aprobetxatu (erdigune zuria).
• Moztu tipula  julianan eta potxatu zartagin batean, gatza emanda. Potxatutakoan, gehitu alkatxofak lautan moztuta; zuztarrak ere bai. Hasieran, su bizian; gero, su txikian. Tapa jarrita eduki, ongi egin arte; aldian-aldian, nahastu. Egindakoan, gatza eman.

Arkumea

• Eman gatza arkumeari, irineztatu eta olio berotan gorritu. Egin ahala, atera bandeja batera.
• Potxatu kazola zabal batean tipula eta baratxuri zatitua. Potxatutakoan, gehitu arkume zati frijituak, eta nahastu; ondoren, gehitu koñaka eta ardoa, eta utzi urritzen.
• Urritutakoan, estali arkumea karduaren saldaz, tapa jarri eta egosi ordu batez-edo, haragia egin arte. Noizean behin, nahastu.

Dena bat

• Haragia egindakoan, gehitu kardua eta alkatxofak, eta eman irakinaldi bat. Behar badu, gatza eman.
• Bezperan prestatu behar badugu, utzi prest bai arkumea, bai kardua eta bai alkatxofak, eta hurrengo egunean nahastu.

Tuterako kukuluak, antxoekin eta hegaluze-mendrezkarekin