Marmitako berezia

OSAGAIAK (4 lag.)

Arrain-salda
arrain baten burua eta hezurrak
3 tipula
oliba-olioa
gatza

Saltsa-oinarria
2 piper berde
1 piper gorri
1 tipula
1 tomate lata
perrexila
arrain-salda
gatza

Patatak
½ kg patata
arrain salda

Hegaluzea
400 g hegaluze
2 baratxuri
oliba-olioa
gatza
perrexila


NOLA EGIN

Arrain-salda

• Jarri sutan eltze batean arrainaren burua, hezurrak, eta ura. Hasieran ateratzen zaion aparra kendu.
• Moztu 3 tipula julianan eta potxatu, su bizi samarrean. Gorritutakoan, gehitu arrain-saldari eta utzi egosten. Zenbat eta gehiago egosi, hobe.

Saltsa-oinarria

• Txikitu tipula, piper berdeak eta piper gorriak, eta olio pixka batean potxatu.
• Potxatutakoan, tomatea gehitu eta eduki sutan, pixka batean.
• Estali arrain-saldaz, eta eduki sutan.
• Irabiagailuarekin txikitu eta iragazi. Saltsa oso lodi baldin badago, gehitu arrain-salda pixka bat. Irakinaldi bat eman, eta, behar badu, gatza eman.

Patatak

• Patatak zuritu eta koskatu; ez egin oso puska handiak. Patatak eltze batean jarri, arrain-saldaz estali, gatza eman eta egosi, egin arte.

Hegaluzea

• Moztu hegaluzea takotan, eta gatza eman.
• Baratxuriak txikitu eta hegaluzearekin nahastu.
• Zartaginean olio pixka bat zabaldu, eta, bero-bero dagoela, hegaluzea salteatu; buelta eta buelta, gutxi egin. Bota perrexila gainean.

Platerean nola

• Plater sakonean, zabaldu saltsa oinarria.
• Jarri patatak iragazirik gainean.
• Azkenik, gehitu hegaluze puska batzuk.