OSAGAIAK (4 lag.)
Txipiroiak
1 kg txipiroi
oliba-olioa
Txipiroi-saltsa
1 tipula
2 piper berde
1 porru
4 baratxuri
1 urdaiazpiko-xerra (lodixkoa)
2 kopa ardo beltz
1 kopa koñak
1 lata tomate natural
4 ogi-xerra
ura edo arrain-salda
Arroza
200 g arroz
1 tipula
1 piper berde
oliba-olioa
ura edo arrain-salda
gatza
NOLA EGIN
Txipiroi-saltsa
- Moztu tipula, piper berdea eta porruaren zati zuria, eta oliotan potxatu. Baratxuriak ere gehitu, zuriturik eta osorik.
- Potxatutakoan, gehitu koñaka eta urdaiazpikoa dadotan mozturik.
- Gehitu tomatea.
- Ogi-xerrak oliotan frijitu (edo ogia xigortu), eta gehitu saltsari.
- Gehitu ardo beltza eta txipiroien tinta. Sutan eduki urritu arte, ia lehor gelditu arte.
- Estali arrain-saldaz edo urez, irakinaldi bat eman eta irabiagailuarekin txikitu.
Txipiroiak
- Moztu txipiroiak karratutan.
- Berotu olio pixka bat kazola zabal batean, eta gehitu txipiroiak. Su bizian egin, txipiroiek ur guztia askatu arte.
- Gehitu txipiroi-saltsa iragazirik, eta egosi 15-20 bat minutuz, txipiroiak egin arte. Probatu, eta, behar badu, gatza eman. Akaso, azukre pixka bat ere beharko du, tomatearengatik.
Arroza
- Tipula eta piper berdea txikitu eta oliotan potxatu. Gehitu arroza, pixka bat nahastu eta ur edo salda bero-beroa gehitu. Arrozaren eta saldaren proportzioa: 1 arroz - 2,5 salda. Gatza eman. Egindakoan, trapu batez estali eta utzi pausatzen.
Platerean nola
- Jarri arroz pixka bat plateraren alde batean eta jarri txipiroiak beste aldean.
No comments:
Post a Comment