OSAGAIAK (4 lag.)
Bakailaoa
1 kg bakailao
Borraja-saltsa
1 borraja
ekilore-olioa
ura
gatza
Tipula freskoen saltsa
4 tipula fresko
oliba-olioa
gurina
irina
NOLA EGIN
Borraja-saltsa
- Borraja garbitu eta moztu, orri eta guzti.
- Jarri eltze batean ura eta gatza, eta berotu irakiten hasi arte. Irakiten ari dela, gehitu borraja eta jarri tapa. Berriz irakiten hasten denetik kontatzen hasita, egosi 5 bat minutuz.
- Atera borraja eltze altu batera eta gehitu egosteko erabili dugun ur pixka bat, borrajak duen bolumenaren erdia-edo. Irabiagailuarekin ongi-ongi txikitu eta gero gehitu ekilore-olioa pixkanaka-pixkana, kikara pare bat-edo, maionesa arin bat egin behar bagenu bezala.
- Iragazi. Irakinaldi bat eman zerbitzatu baino lehen.
Tipula freskoen saltsa
- Tipulak zuritu, lautan moztu eta jarri labeko erretilu batean. Gehitu oliba-olioa eta gatza, eta labean egin, 40 bat minutuz, 200º-tan.
- Jarri gurin pixka bat kazola batean. Gurina sutan urtu, gehitu labean egindako tipulak eta nahastu.
- Gehitu irin pixka bat, nahastu eta urez estali. Eman irakinaldi bat, irabiagailuarekin txikitu eta iragazi. Irakinaldi bat eman zerbitzatu baino lehen.
Bakailaoa
- Bakailao zatiak plantxan egin, azala beheraka duela. Beheko aldea egiten den bitartean, zabaldu olio pixka bat gaineko aldean.
- Azala ongi gorritutakoan, bi aukera ditugu: berehala jan behar badugu, bakailao zatiak ongi-ongi egin azalaren aldetik, buelta eman eta plantxan bukatu; geroxeago jan behar badugu, jarri bakailao zatiak labeko erretilu batean, azala goraka dutela, eta labean egin 5 bat minutuz, 180º-tan.
Platerean nola
- Lehendabizi, jarri borraja-saltsa.
- Jarri erdian bakailao zatia.
- Azkenik, zabaldu tipula-saltsa bakailao zatiaren gainean.
No comments:
Post a Comment