OSAGAIAK (4 lag.)
Entsalada
400 g bakailao
1 laranja
olibak
oliba-olioa
ozpina
gatza
NOLA EGIN
Laranja
- Laranjak ongi zuritu eta laranja-atalak banan-banan bereizi, azalik gabe.
- Gorde laranjak askatu duen zukua, ozpin-olioa egiteko.
Ozpin-olioa
- Moztu bakailaoa 2-3 cm-ko takotan eta azala bereizi, pil-pil saltsa egiteko.
- Jarri zartagin batean bakailaoaren azala oliotan, pil-pila egiteko. Jarri zartagina sutan, su txikian, eta aldian-aldian eragin zartaginari. Gehitu laranja-zukua eta eduki su txikian eten gabe eraginez, pil-pila egin arte. Egindakoan, iragazi eta gorde.
Bakailaoa
- Jarri bakailao-zatiak labeko erretilu batean, gehitu oliba-olioa eta nahastu, zati guztiak ongi bustitzeko.
- Labean sartu, 180º-tan, 5 minutuz.
Entsalada
- Letxuga garbitu eta zatitu. Nahi izanez gero, gehitu tipula freskoa julianan mozturik. Eman gatza, ozpina eta olioa, eta nahastu.
Platerean nola
- Jarri laranja-atal batzuk plateraren bazterretan.
- Gehitu oliba batzuk.
- Jarri letxuga erdian.
- Jarri bakailao zati batzuk letxugaren gainean.
- Azkenik, bota pil-pil saltsa entsaladaren gainean.
No comments:
Post a Comment