OSAGAIAK (4 lag.)
Alkatxofak
6 alkatxofa
1 limoi
oliba olioa
gatza
Ganbak
12 ganba
1 baratxuri
oliba-olioa
koñaka (aukeran)
Nahaskia
6 arrautza
oliba-olioa
gatza
NOLA EGIN
Alkatxofak
- Bete katilu handi bat urez, eta bota bertara limoiaren zukua eta limoi erdiak. Garbitu alkatxofak eta sartu limoi eta uretan, ez belzteko.
- Moztu alkatxofak zati txikitan. Zartagin batean, berotu olio pixka bat eta frijitu alkatxofak bertan, bigundu arte. Gatza eman.
Ganbak
- Ganbak zuritu eta zatitu.
- Baratxuria txikitu eta bota oliotara, su bizian. Baratxuriak gorritzen hasi orduko, gehitu ganba zatituak eta su bizian egin; gatzik ez eman, alkatxofek eta arrautzek badute-eta. Aukeran, gehitu koñak pixka bat.
- Batu ganbak eta alkatxofak zartagin berean.
Nahaskia
- Arrautzak pixka bat nahastu, gatza eman, gehitu alkatxofak eta ganbak, eta egin nahaskia zartagin batean. Nahaskia zartaginean egitear dagoela, aukeran, esne-gain pixka bat gehitu.
No comments:
Post a Comment