OSAGAIAK (4 lag.)
Orkatza
1 orkatz-azpizun
oliba-olioa
gatza
Portoko ardoaren saltsa
2 kopa Portoko ardo
gurina
½ l haragi-salda
200 ml esne-gain
gatza
Osagarria
2 esparrago berde
1 patata
1 sagar
1 azenario
4 txanpinoi
gurina
gatza
NOLA EGIN
Osagarria
- Esparragoak: moztu hirutan. Jarri zartagin batean oliba-olio pixka bat, eta salteatu esparragoak bertan. Egindakoan, gatza eman.
- Azenarioa: zuritu, hirutan moztu, eta lautan moztu luzetara. Ura irakinarazi, eta bertan egosi 3-4 minutuz. Ondoren, atera zartagin batera eta su bizian egin, olio pixka bat gehituta, gorritu arte. Egindakoan, gehitu esparragoei.
- Txanpinoiak: moztu lautan, eta zartagin batean salteatu, gatza emanda. Egindakoan, gehitu esparragoei.
- Patata: purea egiteko, patata zuritu, zatitu eta uretan egosi. Egositakoan, ura kendu, gurina eta esne pixka bat gehitu, eta irabiagailuarekin txikitu. Gatza eman.
- Sagarrak: zuritu, lautan moztu, zuztarra kendu eta xerratan moztu. Jarri olio pixka bat zartagin batean, eta bertan salteatu. Gorritutakoan, gatz pixka bat eman eta gehitu esparragoei.
Orkatza
- Kendu axalak orkatzari, moztu lautan eta gatza eman.
- Jarri zartagin batean olio pixka bat, eta gorritu haragi zatiak bertan, su bizian, haragia ixteko. Gorritutakoan, atera labeko erretilu batera.
Portoko ardoaren saltsa
- Haragia gorritzeko erabili dugun zartaginetik haragia atera eta gero, gehitu gurin puska bat. Gurina urtutakoan, gehitu Portoko ardoa eta sutan eduki egosten. Salda gehiena lurrundutakoan, gehitu haragi-salda. Azkenean, gehitu esne-gaina eta utzi urritzen. Gatza eman.
Platerean nola
- Zerbitzatu aurretik, haragiari beroaldi bat eman labean.
- Plateraren alde batean, jarri patata purea; honen gainean, osagarria.
- Beste aldean, jarri Portoko ardoaren saltsa, eta gainean orkatz-azpizun zati bat.
No comments:
Post a Comment