OSAGAIAK (8 lag.)
Pastel-krema
½ l esne
2 arrautza
3 gorringo
1 kanela makila
1 limoi azal
gurina
100 g azukre
50 g irin
Masa hautsia
200 g irin
75 g gurin
75 g azukre
1 arrautza
limoi-zukua
Apaintzeko
4 errege-sagar
abrikot-marmelada
NOLA EGIN
Pastel-krema
- Berotu eltze batean esnea, kanela makila eta limoi azala, irakin arte.
- Nahastu katilu batean azukrea eta irina. Gehitu 2 arrautza eta 3 gorringo. Dena ongi nahastu, orea egin arte.
- Sutan genuen esnea katilura bota eta ongi nahastu. Bota nahasketa eltzera, iragazirik; jarri berriz sutan eta etengabe nahastu, irakin arte. Egosten hasitakoan, atera beste katilu batera eta hozten utzi.
- Epeltzen ari dela, gehitu gurin puska batzuk eta nahastu. Gurinak distira ematen dio kremari.
- Egin irinarekin sumendi moduko bat, eta egin zulo bat erdian. Jarri zulo horretan gurina (epel), azukrea, arrautza eta limoi erdi baten zukua.
- Erdiko osagai guztiak nahastu, eta, pixkanaka-pixkanaka, nahastu inguruko irinarekin, orea egin arte. Utzi pausatzen, pixka batean.
- Orea irineztatu eta zabaldu, arrabola edo botila batekin.
- Jarri hondoa kentzen zaion molde batean. Sartu labean eta eduki 180 gradutan, 15-20 minutuz.
- Sagarrak zuritu eta xerratan moztu.
- Zabaldu pastel krema orearen gainean, eta sagar xerraz estali.
- Labean sartu, 180 gradutan, gaineko sagarrak egin arte. 15 bat minutuz.
- Labetik atera ondoren, hozten hasitakoan, zabaldu abrikot-marmelada gainean (marmelada oso lodi badago, gehitu ur pixka bat eta berotu mikrouhin-labean edo sutan). Hozten utzi.
No comments:
Post a Comment