Arrain-zopa

OSAGAIAK (4 lag.)

1 legatz / zapo / aingira buru

½ kg txirla

ganbak

5 tipula

2 azenario

1 porru

1 lata tomate

oliba-olioa

gatza

ura

ogia

Txirlak: hasieran, jarri txirlak uretan, gero beharko ditugu-eta.

Ganbak: ganbak zuritu. Gorde buru-azalak arrain-salda egiteko.

Arrain-salda

• Jarri eltze batean arraina, ganben buru-azalak eta ura sutan. Egosten hasi orduko, bost bat minutu pasatu eta gero, arraina atera, arrainari haragia kendu eta gorde; hezurrak eltzera bota. Eltzekoa luze egosi, arrain-salda egiteko.
• Txikitu 3 tipula, eta potxatu, su bizi samarrean. Potxatutakoan, gorritutakoan, gehitu arrain-saldari eta utzi egosten.
• Arrain-salda denbora luzez egositakoan, salda iragazi. Gatza eman.

Arrain-zopa

• Txikitu eta potxatu 2 tipula eta azenarioak. Potxatutakoan, gehitu tomatea. Egosi pixka batean.
• Gehitu ogi-xerra batzuk txigorturik edo frijiturik, salda loditzeko. Nahi badugu, koñaka eta ardo zuri pixka bat ere gehitu.
• Gehitu arrain-salda, eduki sutan pixka batean eta irabiagailuarekin txikitu. Iragazi eta eman irakinaldi bat; irakiten hasitakoan, kendu hasierako aparra.
• Jarri olio pixka bat zartagin batean, eta, bero-bero dagoela, gehitu txirlak, zabaltzeko. Txirlak irekitakoan, ganbak ere gehitu, zuriturik, eta eman beroaldi bat, su bizian. Gehitu txirlak eta ganbak zopari; gehitu ur pixka bat txirlak eta ganbak egiteko erabili dugun zartaginari, hondarrak berreskuratzeko.
• Gehitu zopari hasieran legatz-buruei kendu dizkiegun arrain-puskak.